اشهر مشاهد الحب فى مصر

" أحمااااااد .....منااااااااااااا "النداء الشهير في فيلم عربي قديم ، بين ولد وبنت ، بيحصل فعلا فى قصص الرومانسيه عندما يتقابل الحبيبان ، صدفة في مكان ، وكل واحد يقف في ناحية ، ثم و بعدين يجرى على التانى و هو بينادى أسمه بصوت عالى .
2 - عندما يكون البرد شديد ، ويكون الولد والبنت تحت المطر الشديد ، ويبصلها يلاقيها بترتعش ، وسنانها بتخبط فى بعض، يوطى على ودانها و يقولها " إنتي بردانة يا روحى" فتهز رأسها من غير ما تجاوب ، وبحركة عنترية يقلع الواد الجاكت الواقي من المطر ويضعه على كتفيها ، غالبا ينتهي هذا المشهد بدور برد شديد للولد طبعا
ويترمى فى السرير كام يوم.
3 – أغنية عبد الحليم حافظ " بحلم بيك أنا بحلم بيك " تشتغل في الكاسيت الأسود الصغير جنب الكوميدينو ، و البطلة تحتضن المخدة مستحضرة وجه " لبنى عبد العزيز " في فيلم الوسادة الخالية ، وغالبا تنام وهي محتضنة الوسادة ، وصوت عبد الحليم ينسحب شويه بشويه لتحل محله نشرة منتصف الليل من إذاعة القاهرة الكبرى .

4 – يحدث هذا المشهد لماا تسألك والدتك ، أو والدك عن شيء ما لسه حاصل، وتنسى الإجابة ، أو أن تخرج وتنسى كشكول المحاضرات ، ساعتها ستفاجئك الجملة التشريديه التي تقال في هذه المواقف " إنت بتحب جديد " ساعتها فقط هتكتشف " أن سرك انكشف يا فالح " .

5 –لما تكون ماشي بسرعة ، وهي ماشيه بسرعه في الاتجاه المقابل ، وفجأة تخبطان بعضكما ، فتتبعثر مفاتيحك وسجائرك، أويتبعثر ورق محاضراتها ، وعندما تميل لتجمع الحاجات اللى وقعت على الأرض ، تميل هي أيضا ،وعما ترتفعان تلتقي عيونكما في نظرة طويلة .. لقد بدأ الأستاذ كيوبيد عمله .
6 – الولد يرتدي جاكت جلدي أسود يبدو في السنة الأخيرة من الجامعة ، يحمل كتبا وكشاكيل محاضرات ، يضع الهاتف المحمول على أذنه ويصرخ في التيليفون تسمعه من الناحية الأخرى : مش معقول ، مش ممكن ، يصمت لحظة بينما عيناه تغليان ، ويتابع في مرارة : ووافقتي على الخطوبة ؟ و طبعا هيسقط و يربى دقنه و يتعقد من البنات ويقفل أودته عليه و الدنيا خلاص ملهاش لازمه....ليه يابنى تعمل فى نفسك كده ....

7 - هذا المشهد خاص بالمتزوجين : وده لما الزوج يعمل بلوه ه أو خيانة ، وتفاجئه زوجته بأنها تعرف الحقيقة ، لحظتها تضربه بقبضتي يديها على صدره و هى بتصرخ و تقوله " بكرهك بكرهك " أو " طلقني طلقني " ثم تنهار وهى بتعيط على صدره ، وساعتها يكتشف بأنه جبان و عمل مصيبه زى الهباب .

8 - عندما تكتشف نفسك متلبسا بتتبع أخبار فتاة ما ، تسأل عن أخبارها ، وعن أصدقائها ، وعلاقاتها السابقة ، وعندما يقول لك أحد أنك مهتم بها أكثر من اللازم ، تجاهد في إنكار الحكايه دى "لا يا عم مفيش حاجه انت بتهرتل بتقول ايه؟" ، وأنت طبعا بايظ من جواك ههههه ، لكن عنيك، يا روميو، تقول غير كده .

9 – المشهد ده بيتكرر كتير ،لما يقرر بطلانا أن يخرجا عن كل ما حولهما أن يقولا ما بداخلهما للمجتمع كله ،عندها تأتي قبلتهما على كورنيش النيل لتشهد بداية علاقة .

10 - " بابا أنا مش هتجوز غير أحمد " ،" ماما أنا بحب منى ، ومش ممكن أرتبط بحد غيرها " عندما تصل الأمور إلى هذه الدرجة ، تكون قصة الحب قد بدأت في دخول رهان التحدي ، ورغم أن هذا المشهد يحتوي واحدا فقط و ممكن برضه "أنا لو متجوزتهاش هموت نفسى "
زى فيلم اللمبى ههههه
و طبعا الرد كان تحفه : يا عم منتا كده كده متنيل فى ستين داهيه دا أنا عندى تتجوز أبن عمك أحسن ..يا أبنى دى شكلها متخزنه بقالها كتير ..لازم نمضيهم على كمبيالات